Amezketako haur eta gaztetxoek ederki gozatu zuten larunbatean herriko plazan. Herri kirol erakustaldia eskaini zieten bertara gerturatu ziren herritarrei; era guztietako diziplinatan aritu ziren. Ondo pasatzeko aitzakia ederra izan zuten, behintzat. Behin festak igarota, balorazioak egiteko garaia iritsi da.
Bere aldetik, Akelok guraso elkarteak, zozketa bat antolatu du aurten boletoak salduz, eta dagoeneko jakinarazi dute zein zenbaki izan diren aurtengo sarituak.
- 1. saria: 3.500 zenbakia. 200 euroko balioa duen Nekatur bonoa + 200 euro eskudirutan.
- 2. saria: 3.658 zenbakia. 400 euroko balioa duen saski ederra.
- 3. saria: 3.857 zenbakia. Bi lagunentzako otordua Orioko San Martin erretegian.
Larunbat gauerdian egin zuten zozketa herriko plazan. Sarituek 699 161 206 telefono zenbakira deitu behar dute saria erreklamatzeko, eta hamabost eguneko epea dute horretarako. Behin epea igarota, inork erreklamatzen ez badu, berriro egingo da zozketa.