Herri kirolen erakustaldiak hartu du Amezketako plaza, eguerdian. Eguraldia alde izan badute ere, beroa handia zegoen, eta gerturatu diren ikusleak plazako itzalaren babesa eskertu dute. Kirolariek, ordea, eguzkiari aurre egin behar izan diote. Hala ere, beroak utzi duen neurriko saioa eskaini dute. Udane Ostolaza eta Aroa Sanchez aritu dira harria jasotzen, eta Nerea Arruti eta Amalur Arbelaitz berriz, aizkoran. Bigarren lan batean ere jarri dute laukotea: trontzan. Bukatzeko, elkarren arteko korrika lehian ere aritu dira kirolariak.
Festak aurrera jarraitzen du Amezketan, eta larunbata arte izango da zertaz gozatu bertan. Ikusi egitarau guztia hemen.