Herriko neska taldeen arteko futbol partida baten bidez eman diote txupinazoaren aurretik Amezketako festei hasiera goizean. Bertan, bi belaunaldi elkarren aurka aritu dira lehian; Spice Girls, gazteak; eta Perlak, beteranoagoak.
Lehen zatia 1 eta 0 amaitu dute Aisha Etxeberriaren gol bat medio. Partidua lehiatua izan da, eta edozeinek irabaz zezakeen. Bigarren zatiaren hasiera ere horrela joan da, Garazi Alkainek gazteen bigarren gola sartu duen arte; orduan autsi da partidua, eta festa Agurne Zubillagaren eta Naroa Rojoren golek biribildu dute.
Jende dezente bildu da partidua ikusten, eta nabari zen eulia jaisteko ordu batzuk baino ez zirela falta. Arratsaldean, 17:00etan hasiko da mutilen partidua, eta Ospela eta Munutxo taldeak izango dira aurrez aurre.
Argazkiak: Imanol Artola
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!