Azpeitiko Gurea frontoian jokatu zuten astelehenean Caixabank Masters txapelketako laugarren jardunaldiko azken partida, Altuna III.ak Imazekin bikote eginda, Laso eta Martijaren aurka. Partida hasi eta minutu gutxira berehala nagusitu ziren Altuna eta Imaz markagailuan. Amezketarrak partidaz gozatu zuen eta berak egin zuen azkeneko 18 eta 22koa.
Honenbestez, Altuna eta Imaz Caixabank Masterseko hirugarren puntua lortu zuten eta azken jardunaldian lehen postuari eusteko lehiatuko dira Irribarria eta Albisuren aurka irailaren 2an, Lekeition. Laso eta Martijak berriz, azken jardunaldian Urrutikoetxea eta Rezustaren aurka irabazi egin beharko dute Masterseko playoffetan sailkatzeko.