Amezketako Udalak udaleku irekiak antolatzea erabaki du ekainaren 27tik uztailaren 22ra. Asteko bost egunetan 10:00etatik 13:00etara izango da. Udaleku irekietan izena eman ahal izango dute 2021-2022 ikasturtean, Haur Hezkuntzako bi urtetik hasi eta Lehen Hezkuntzako 6. maila arteko haurrek.
Izena emateko epea maiatzaren 31 arte izango da, eta beste urteetan salbuespenak egin badira ere, aurten ez dutela onartuko epez kanpoko inskripziorik azpimarratu dute.
Udalekuetan izena ematen duten familia bereko bat edo bi haur badira 70 euro ordaindu beharko dituzte haur bakoitzeko. Aldiz, hiru edo gehiago badira, 50 euro haur bakoitzeko.
Izena emateko amezketa.eus webgunean lortu daitekeen inskripzio fitxa bete beharko da, eta udaletxera eraman edo gazteria@amezketa.eus helbide elektronikora bidali beharko da. Ordainketaren ziurtagiria izen emate fitxarekin batera aurkeztu beharko da, eta ordainketa ES71 2095 5020 0610 6002 4469 kontu zenbakian egin behar da.
Edozein zalantza argitzeko Gazteriako 688711675 telefono zenbakira dei daiteke.