Larrialdi zerbitzuek deia jaso dute 13:30ak inguruan, Amezketako mendi eremu batean emakume bat min hartuta zegoela azalduz. Dirudienez, Txindoki menditik jaisten ari zela min hartu du hanka batean, eroriko baten ondorioz, eta bere kabuz ezin zuen aurrera egin. Larrialdi zerbitzuak mobilizatu dituzte, eta azkenean Ertzantzako helikoptero batek eraman du mendizalea Donostiako Ospitalera.
Ertzaintzako helikoptero batean eraman dute 54 urteko mendizalea. Ertzaintzatik jakinarazi dutenez, Amezketako lurretan izan da erreskatea. Emakumeak min hartu du hanka batean, erorikoa izan eta gero.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!