Amezketan San Martin eguna ospatzen ari dira. Jai eguna izanik, haurrek eskolarik ez, eta puzgarriak eta jokoak dituzte goiza lagun artean pasatzeko.
Nola ez, San Martin auzoan izen bereko ermita bada, eta meza nagusia izan dute elizkoiek. Eguneko hitzordurik garrantzitsuena, erretirodunek Beartzana jatetxean duten bazkaria da. Bapo jan, eta bertsolariak eta trikitilariak bertan izango dituzte .
Arratsaldean, berriz ere, 16:30ean, haurrentzat jolasak izango dira Larrunarri frontoian. Kasu honetan, jolasak Gaztelekuaren eskutik izango dituzte. 18:00etan, berriz, haurrentzat merienda eskainiko dute guraso elkartearen eskutik.