Azaroak 11 San Martin eguna da, eta Amezketan beti ospatu ohi dute. Aurten, ostegunez izango da San Martin eguna, eta Erretirodunen Eguna ospatuko dute. Amezketan erroldatuek parte hartu ahal izango dute, eta 60 urtetik gorakoentzat da.
12:30ean meza nagusia izango dute San Martin ermitan meza entzun nahi dutenak, eta ostean, bazkaria egingo dute Beartzana jatetxean. Bazkaria girotzeko bertsolariak eta trikitilariak izango dituzte lagun.
Bazkarirako txartela 30 euro ordaindu beharko dute joan nahi dutenek, eta izen ematea udaletxean egin beharko dute. Izena azaroaren 2tik azaroaren 8ra eman beharko da.