Hondakin bilketa zerbitzuaren tasa ordaindu beharko dute datozen egunetan amezketarrek. Amezketako Udalak jakitera eman du urriaren 1etik urriaren 29ra bitartean egin beharko dela ordainketa.
Ordainagiria helbideratuta dutenen kasuan, bihar, urriak 1, kontu zenbakitik kobratuko zaiela jakinarazi du udalak. Helbideratuta ez dutenen kasuan, urriaren 29a baino lehen ordaindu beharko dute aguazilak etxera eramandako ordainagiriarekin edozein Kutxabankeko bulegora joanda.
Behin epea pasaz gero, %20ko errekarguarekin kobratuko du udalak.
Bestetik, datorren urterako helbideratu nahi izanez gero, datuak emanez udaletxera deitzeko eskatu dute.