Asteburuan jokatu ziren, Amezketako Larrunarri pilotalekuan, Joxan Tolosa Txapelketako finalerdiak, eta beraz, irailaren 26ko arratsaldean finalak jokatuko dituzten pilotarien izenak zehaztuta geratu dira. Sei pilotarietatik bakarra izango da eskualdekoa, Eneko Labaka albizturtarra.
Kadeteetan, Beñat Apezetxea goizuetarra eta Beñat Labaka azpeitiarra ariko dira lehian. Etorkizunekoen mailan, Ekhi Irribarria aramarra eta Erreka elkarteko Oier Ariztegi. Elite mailan, Eneko Labaka eta Exposito astigartarra.
Finalerdietako bi gauetan, ostiralean zein larunbatean, 150 ikusletik gora izan ziren Larrunarri pilotalekuan. Ondorengoak izan ziren emaitzak: kadeteetan, Apezetxea 22-9 Oier Ibarluzea, eta Eneko Gorostidi 11-22 Beñat Labaka; etorkizunekoetan, Irribarria 22-17 Alberdi, eta Ariztegi 22-19 Amiano; eta elite mailan, Hodei Exposito 22-18 Iñaki Elola, eta Eneko Labaka 22-8 Aztiz.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
