Gaur 22:00etan hasiko da jardunaldia, eta kadeteetan Apezetxea eta Etxeberria ariko dira elkarren aurka, eta promesetan, Irribarria eta Altuna. Bihar ere 22:00etan hasiko da jardunaldia, eta kadeteetan Ibarluzea eta Anduaga ariko dira nor baino nor, eta promesetan, Olaetxea eta Amiano. Etzi, igandea, 11:30ean hasiko dira partidak, eta lehenengoan, promesen mailan, J. Alberdik eta U. Alberdik jokatuko dute, eta elite mailan Irazustabarrenak eta Elolak.
Aurreko asteburuko final-laurdenetan, ondorengoak izan ziren emaitzak: kadeteetan, Gorostidik 22-13 irabazi zion Iraetari, eta B. Labakak 13-22 Armaoleari; promesetan, Ariztegik 22-19 irabazi zion U. Alberdiri; elite mailan, Astiz izan zen irabazle 7-22 Elizalderen aurka, Exposito 22-10 Riolen aurka, eta Espinal 22-5 X. Urbietaren aurka.