Datorren asteartean, abuztuaren 31ean, hiru urte beteko dira korrikalari amezketarrak lehiatzeari utzi zionetik. Gaur, ordea, Iker Karrera bueltan da eta 8K lasterketan parte hartuko du. Proba 17:00etan, Panticosako plazan hasiko da, eta parte hartzaileek Garmo Negro (3.064 m) gailurretik, Ibones Azules, Respomusoko aterpetxea, Terrabay lepoa edota Sallent de Gállego herria bezalako paraje harrigarrien barrena ibiliko dira. Ibilbideak, guztira, 77 kilometro eta 6.800 metroko desnibel positiboa du.