Buruz buru kantxa osoan jokatzen den Joxan Tolosa Txapelketaren bigarren jardunaldian izan zen asteburuan, Amezketako Larrunarri pilotalekuan. Besteak beste, eskualdeko bi pilotariren arteko partida jokatu zen elite mailan, eta Irazustabarrena alegiarrak (Intxurre) 22-8 irabazi zion Jon Urbieta asteasuarrari (Behar Zana). Ostiralean jokatu zuten partida hori eta egun berean beste bi jokatu ziren: promesetan Zabala adunarrak (Zazpi Iturri) 20-22 galdu zuen Irribarriaren aurka, eta kadeteetan Etxeberriak 5-22 irabazi zion Kareagari.
Larunbatean, Egiguren tolosarrak (Tolosa) galdu egin zuen 22-6 Riolen aurka elite mailan. Kadeteetan Iraeta bidaniarrak (Tolosa) 20-22 irabazi zion Zabaletari, eta promesetan Tolosa elkarteko Amianok 22-16 irabazi zion Ruiz de Larramendiri.