Amezketako Akelok guraso elkarteak, Bide gorri plataformak, ludotekak eta Gaztelekuak elkarlanean Amezketako erreka garbitzeko eguna antolatu dute.
Hilaren 23an, ostiralean, egingo dute garbiketa 10:00etan hasita. Errota inguruan, herrian zehar, Amezketatik Ugartera eta Ugartetik Bedaio alderako erreka garbitzea dute helburu.
Amezketarren laguntza behar dutela adierazi dute erreka zati guzti hori behar bezala garbitu eta txukun utzi ahal izateko. Erreka garbitzera animatzeko eta parte hartzeko deia luzatu dute, baina horretarako izena eman beharko da.
Astelehena eta asteartea, hilak 19 eta 20, eman beharko da izena 688 71 16 75 telefono zenbakian.