Altunari omenaldia, ikusleak sartu ahalko diren lehen egunean

Tolosaldeko Ataria 2021ko eka. 24a, 19:02

Ikusleak frontoietara itzuliko dira bihar, eta Amezketan izango da, Larrunarrin. Jokin Altuna buruz buruko txapeldunari omenaldia egingo zaio, eta binakako partida jokatuko du.

Bide batez, Nafarroako Lau eta Erdiko txapelketaren partida jokatuko da, Dario eta Etxeberriaren artean. 22:00etan hasiko da jaialdia eta sarrerak www.entradasfronton.com helbidean erosi daitezke.

Lehenbizi Nafarroako Lau eta Erdiko txapelketaren neurketa jokatuko da eta ondoren Altuna III - Tolosa eta Urrutikoetxea-Aranguren artekoa.

Peña II.a eta Altuna III.a, Nafarroako Lau eta Erdikoan

Asteburuan sartuko dira lehian eskualdeko pilotariak Nafarroako Lau eta Erdiko txapelketan. Peña II.ak Leitzan jokatuko du Lasoren aurka, etzi. Jaialdia 17:00etan hasiko da eta Peñaren partida hirugarrena izango da.

Altuna III.ak igandean jokatuko du, Salaberriaren aurka. Donostiako Atano III.a pilotalekuan izango da partida eta 17:00etan hasiko den jaialdiaren bigarrena izango da. Bi jaialdietara ikusleak joan ahalko dira.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!