Txindoki mendian, Zazpi Iturri inguruan izan da ezbeharra. Pertsona bat amildu egin da, eta osasun-langileak, suhiltzaileak eta Ertzaintza bertaratu behar izan dira tokira.
Erorikoa izan duen mendizalea aurkitu ondoren, Ertzaintzako helikopteroko kideak mendizalearengana jaitsi dira, eta bertan egiaztatu dute hil egin dela. Horrez gain, erreskatatzaileek hildako mendizalearen lagunari lagundu behar izan diotela jakinarazi dute Ertzaintzatik. Izan ere, laguntzen saiatzen ari zela horma batean sartuta geratu da.