Amezketako Irakurle Taldeko kideek urteko hirugarren liburua izan dute Uxue Alberdiren Dendaostekoak. Aitzakia hori hartuta, idazlea bera gonbidatu zuten taldera, eta atzo Amezketan izan zen Alberdi.
Solasean aritu ziren Dendaostekoak liburua aitzakia hartuta, eta "ordu eta erditik gora, eta labur egin zitzaigun", esan dute taldetik.
Ikasturtea amaitzeko oraindik bi liburu geratzen zaizkiela adierazi dute, eta maiatzerako irakurri beharrekoa Irati Goikoetxearen Herriak ez du barkatuko liburua izango da. Maiatzaren 18an, 19:00etan, elkartuko da Irakurle Taldea.