2021. urteari dagokion ibilgailuen zergaren ordainketa apirilaren 9tik maiatzaren 31era bitartean egin beharko dela ohartarazi du Amezketako Udalak.
Ibilgailuen zerga helbideratu gabe duten herritarrek Kutxabankek duen edozein bulegotatik pasa daitezke ordainketa egitera. Horretarako, udal aguazilak etxera eramandako agiriarekin joan beharko da, eta diru sarrera Amezketako Udalaren izenean dagoen kontu korrontean egin beharko da.
Zerga helbideratuta dutenen kasuan, berriz, zerga apirilaren 9an kobratuko dela kontu zenbakitik adierazi dute. Aipatu epeetan, hau da, maiatzaren 31a baino lehen ez bada ordaindu, %20ko errekarguarekin kobratuko dela gogorarazi dute udaletik.
Aldiz, hurrengo urterako ibilgailuen zerga helbideratu nahi izanez gero udaletxera deitzeko eskatu dute, datuak eman ahal izateko. Gainera, helbideratuta jartzeak tramiteak errazten dituela eta kostuak ere gutxitu egiten direla jakinarazi du udalak.