Amezketako 15-16 urteko gazte talde baten ideia izan zen, eta Binakako Frontenis Txapelketa antolatu zuten bi kategoriatan banatuta.
Bertakoek eta ingurukoek osatu dituzte bikoteak, eta guztira hamabi bikote izan dira parte hartu dutenak. Sei bikote 14 eta 18 urte artekoen mailan, eta beste sei bikote, 18 urtetik gorakoetan.
Amezketako Larrunarri pilotalekuan jokatu dituzte partidak, eta igandeko finaleko bi partidak ere bertan jokatuko dira. 16:00etan hasiko dira jokatzen partidak.
Bikote irabazleek bi sari izango dituzte aukeratzeko, edo bertako produktuekin osatutako saski bat edota herriko tabernan menu berezi bat.