Amezketako Udalak jakitera eman du azken hilabeteetan "hainbat arazo" sortu direla Arritzagako minetara joateko pista hasten den tokian jendeak kotxeak gaizki aparkatuta uzten dituelako. Horren eraginez, inguruko baserritarrak beraien traktoreak edo kamioiak pasa ezinik ibili dira: "Gogoratu baserritarrek asteburuetan ere lan egiten dutela".
Aparkatzea debekatuta dagoela esateko seinalea jarri du Amezketako Udalak, eta kilometro batera ondo egokitutako aparkaleku bat dagoela adierazten da bertan. "Arazoak bere horretan jarraitzen badu bestelako neurri batzuk hartu beharko ditugu", esan dute udaletik.