Amezketako Udalak dutxa jarri du gimnasioko erabiltzaileentzat. Erabili nahi dutenek, ordea, udaletxetik pasa behar dute.
Zerbitzu berria jarri du martxan Amezketako Udalak. Kultur etxeko komunetan dutxa bat jarri dute gimnasioko erabiltzaileentzat. Erabili nahi dutenek beraien gimnasioko giltza udaletxera eraman beharko dute, eta bertan giltza programatuko zaie dutxarako sarbidea izan dezaten.
Bestetik, udalak gogorarazi du 2021ean bazkide izaten jarraitu nahi dutenek urteko kuota ordaindu behar dutela aste honetan zehar. Aldiz, bazkide izateari utzi nahi dioenak giltza entregatu behar du udaletxean.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!