Amezketako Udalak azken urteetan argazki lehiaketa bidez aukeratzen ditu urteko egutegia osatzeko argazkiak. Hamahiru argazkik osatzen du etxez etxe banatzen duten egutegia, eta 2021ekoa ere prest dute.
Urte hasierarekin batera, etxez etxe banatzen dutenean emango dituzte ezagutzera 13 argazki irabazleak.
Aurtengo gaia Amezketa izan da, eta herriko txoko ezberdinak aurkeztu dituzte lehiaketara. 60tik gora argazki jaso dituzte. Udaleko webgunean zintzilikatu dituzte aurkeztutako argazki guztiak. Argazki guztiak hemen ikus daitezke.
Amezketako Udalak eskerrak eman dizkie lehiaketan parte hartu duten herritar guztiei.