Amezketako Udalak urtero ateratzen du etxe guztietan banatzeko egutegia, eta azken bi urteetako arrakasta ikusita, aurten ere, argazki lehiaketa bidez aukeratuko ditu argazkiak.
Lehiaketako argazkiak udaletxean aurkezteko azken eguna azaroaren 13a jarri dute. 14 urtetik gorako edozein pertsonak parte har dezake eta gaia Amezketa izango da. Parte hartzaile bakoitzak gehienez ere hiru argazki aurkezteko aukera izango du. Formatu digitalean aurkeztuko dira, eta gutxieneko kalitatea izan beharko dute. Argazkiekin batera informazio osagarri hau ere aurkeztu beharko da: argazkia(k) non atera d(ir)en; egilearen izen-abizenak, telefonoa edota helbide elektronikoa.
CD edota USB batean, gutun-azal baten barruan sartuta, informazio osagarriarekin aurkeztu beharko dira, edo posta elektronikoz informazio osagarriarekin, udala@amezketa.eus helbidera bidalita. 13 argazki sarituko dira eta sari bakoitza 50 eurokoa izango da. Argazki sarituekin 2021eko egutegia osatuko dute.
Amezketako Udalak 2021eko egutegia argazki lehiaketa bidez aukeratutako argazkiekin osatuko du. Pertsona batek gehienez hiru argazki aurkeztu ditzake, eta entregatzeko azken eguna azaroaren 13a da.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!