Koronabirusa

Zumadi eskolan irailaren 14an hasiko dute ikasturtea

Tolosaldeko Ataria 2020ko ira. 5a, 10:11

Amezketako eskolan klaustrokide batek positibo eman du PCR proban. Gipuzkoako lurralde ordezkaritzarekin eta prebentzio arduradunekin adostuta, 2020-2021 ikasturtea astebetez atzeratzea erabaki dute. 

Zumadi eskolako gainerako irakasleek ere atzo egin zituzten PCR probak eta irailaren 11ra arte konfinatuta egon beharko dute. 

"Momentu honetan daukagun egoera kontuan hartuta irtenbide egokiena ikasturtearen hasiera atzeratzea dela iruditu zaigu", esan dute eskolako arduradunek. Gipuzkoako lurralde ordezkariarekin eta prebentzioko arduradunarekin hitz egin ondoren hartutako erabakia izan dela aipatu dute Zumadi eskolatik. 

Amezketako eskolako klaustrokideek sentitzen dute egoera honek ekarriko dituen eragozpenak.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!