Koronabirusa

Udaleku irekiekin eta nerabeen eskaintzarekin jarraituko dute

Tolosaldeko Ataria 2020ko uzt. 21a, 07:00

Amezketako Udalak haur eta nerabeen "aisialdi hezitzailean" sinesten duela azpimarratu du, eta nahiz eta udalekuak bertan behera uzteko gomendioak jaso, aurrera egitea erabaki du antolatutako ekimenekin.

Amezketako Udalak, Osasun Sailak zein Eudelek emandako gomendioak aintzat ez hartzea erabaki du, eta udaleku irekiekin eta nerabeentzako eskaintzarekin aurrera egingo dute. Gomendioen aurrean, Amezketako Udaleko, alkatea, alkateordea, idazkaria zein gazteri suspertzailea elkartu direla nabarmendu dute, "egoera aztertzeko".

Amezketako Udalak "haur eta nerabeen aisialdi hezitzailean sinisten duela" adierazi du, eta "garrantzi handia ematen dio honi". Gainera, "bai udaleku zein gaztelekuko ekintzetan protokoloa goitik behera ondo bete da, eta esfortzu handia egin da talde txikiak egin ahal izateko", azpimarratu dute. "Begiraleak ere lan handia egiten ari dira haurren segurtasuna bermatzeko".

Honen aurrean, eta gomendio dela kontuan hartuta, informazio ezberdinak irakurri dituzte. Era berean, osasun neurriak betetzen direla jakitun direla esan dute. Guztia kontuan hartuta, Amezketako Udalak udaleku irekiekin eta nerabeen eskaintzarekin behin-behinean aurre egitea erabaki du. Beti ere, "egoera egunero aztertuko da eta Jaurlaritzatik iritsi daitezkeen erabakien menpe egongo da udala", azpimarratu dute.

Hala eta guztiz, egoera honen aurrean, norbaitek parte hartzeari utzi nahiko balio, ludotekako koordinatzaileari zein gazteluko suspertzaileari erabaki horren berria ematea eskatu dute.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!