Zazpi Iturriko arduradun berriekin, entrenamendu irekiak

Tolosaldeko Ataria 2020ko uzt. 2a, 17:00

Xalton Zabalak urte askotan zehar egindako lanari lekukoa hartuz, herriko hainbat gaztek Zazpi Iturri pilota klubaren ardura hartu dute. Ilusio handiz ekin diote lanari, eta ikasturtea ofizialki irailean hasiko bada ere, uztailean zehar entrenamendu irekiak antolatu dituzte.

Honela, herriko haurrek aukera izango dute pilota entrenamenduak probatzeko, astelehen eta asteazkenetan 10:00etatik 13:00etara adin bakoitzak bere txanda izango duelarik.

Txandak horrela zehaztu dituzte: 10:00etatik 11:00etara, aurrebenjaminak (2013-2014) eta benjaminak (2011-2012); 11:00etatik 12:00etara, alebinak (2009-2010) eta infantilak (2007-2008); eta 12:00etatik 13:00etara, kadeteak (2005-2006).

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!