Amezketako Udala bete behar diren segurtasun neurri guztiak kontuan hartuta ari da udalekuak antolatzen.
Uztailaren 6tik 23ra izango dira udalekuak, eta 2 urtetik 12ra bitarteko haurrei zuzenduta daude. Parte hartzeko interesa duten haurrek izena eman beharko dute. Ostirala, ekainak 12, da izena emateko azken eguna, eta azpimarratu dute aurtengo "egoera berezia" kontuan hartuta, ez dela onartuko epez kanpoko izen ematerik. Ez dutela salbuespenik egingo adierazi dute.
Izena udaletxean eman daiteke, edo gazteria@amezketa.eus helbide elektronikora idatzita.