Itxialdi egoeran txakurren jabeak baimenduta dute beren txakurrekin kalera ateratzera, baina Amezketako Udalak, beste behin, herritarrei beren betebeharrak gogorarazi dizkie. "Kalera ateratzeak badakigu zein ondorio dituen, pixa eta gorotzak kalean geratzeko arriskua, eta badakigu herritar arduratsuek jokabide arduratsua dutela, baina bestelakoak ere badira, eta zenbait kaleetan txakurren kakak jaso gabe agertu dira", azpimarratu dute udaletik.
Udalak, ohar bidez jakinarazi die, "txakurra edukitzeak betebeharrak ere eragiten dituela eta herrigunean txakurren pixak eta gorotzak desatseginak direla". Beraz, "txakurrak kalera ateratakoan, hauek sortutako zikinak bildu itzazue kalea garbi utziaz".
Gauza batzuk ez ditu aldatu koronabirusak, eta Amezketako Udalak txakurren jabeei txakurren gorotzak jasotzeko betebeharrak dituztela gogorarazi die.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!