Amezketan Emakumeen Nazioarteko Egunari ibilian eman zioten hasiera. Herriko plazan elkartu ziren herritarrak, borroka feministarekin bat eginez. Kolore morez utzi zuten arrastoa herriko gune ezberdinetan.
Ergone, Igone, Iñanbira eta Astamutiletik pasa ziren, hurrengo elkargunea San Martingo tabernan egiteko. Bertan atsedenaldia egin eta gero, Hirubidetik igaroz Sasturainerako bidea hartu, eta berriz ere, kalean barrena astindu zituzten banderak.
Ondoren, emakumeen elkargune izan zen bazkaria egin zuten Zazpi-Itturri elkartean.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
