Ertzaintzatik azaldu dutenez 10:30ak inguruan gertatu da lan istripua, Aralar paper fabrikan. LABetik zehaztu dutenez, "azpikontratatutako enpresa batean egiten du lan arin zauriturik suertatu den langileak".
Langilea bost metrotik erori eta arin zauritu dela azaldu dute LABetik. Larrialdi zerbitzuetako langileek lekuan bertan artatu dute eta ondoren Donostia Ospitalera eraman, Ertzaintzatik azaldu dutenez. Osalanetik jakinarazi dutenez, zer gertatu den argitzeko lekuan bertan ikerketa martxan jarri dute.
Urtarrila hilabete zaila izaten ari da. Jada bederatzi langile hil dira euren lana egiten ari zirela, azkena Artatzan (Nafarroa), 10 metrotik erorita. Lan istripuak gehiago dira hala ere, eta azkena Getxon (Bizkaia) izan zen; garbiketa zerbitzuko langile bat zauritu zen traktorea iraulita.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
