Irakurle taldeak urteak daramatza martxan Amezketan, eta bi hilabetean irakurri beharrekoak zehaztuta dituzte. Gaur, Maixa Zugasti idazle tolosarraren L.A.A. liburua jorratuko dute taldean. Otsailean, berriz, Ekaitza urrun liburua irakurri beharko dute. Kantua izango da kalera atera eta eztarriak berotzeko aukera emango duena. Hilean behin, Amezketa Kantari taldeak herritarrei dei egingo die beraiekin batera kantuan aritzera ateratzeko.
INAUTERIAK
Tolosan bakarrik ez, Amezketan ere inauteriak indar handiz ospatzen dituzte, eta otsailaren 22an eta 23an, larunbat eta igandez, Talai dantzariek herriko baserri eta etxeak pasako dituzte, umore ona oparituz.
NEGUKO KULTUR ESKAINTZA
Gaur, urtarrilak 21
19:00. Irakurketa taldea elkartuko da, kultur etxean. L.A.A. liburua aztertuko dute, eta Maixa Zugasti tolosarra da idazlea.
Urtarrilak 26, igandea
17:00. Zinea kultur etxean. Haurrentzako filma proiektatuko da.
Otsailak 6, osteguna
19:00. Amezketa Kantarikoak elkartuko dira Arkaitzpe tabernan, herria kantuz girotzeko.
Otsailak 16, igandea
16:30. Zinea kultur etxean. Haurrentzako pelikula bat proiektatuko da.
Otsailak 18, asteartea
19:00. Irakurketa taldea elkartuko da kultur etxean. Ekaitza urrun liburua aztertuko dute, Joanes Urkixo idazle bilbotarrarena.
Otsailak 22-23
Talai dantzariak ibiliko dira herrian barrena.
Martxoak 5, osteguna
19:00. Amezketa Kantarikoak elkartuko dira Arkaitzpe tabernan, herria kantuz girotzeko.
Martxoak 8, igandea
Emakumeen Nazioarteko Eguna.
Martxoak 17, asteartea
19:00. Ahoz Aho ipuin kontaketa saioa izango da, kultur etxeko aretoan.
Martxoak 29, igandea
16:30. Zinea kultur etxean. Haurrentzako pelikula proiektatuko dute.