Dozenaka bat auzotar zeuden ermita atarian. Txakolina edalontzian zerbitzatzeko prest zeuden auzotarrak, eta pixkana gerturatu dira auzotarrak edalontziekin. Mahats zuku tragoez gain, bestelako edariak dastatzeko eta pintxoak jateko aukera ere izan dute. Bitartean, Laja Bi eta Narbaiza pandero jotzailea aritu dira frontoiko giro hotza berotu nahian; beranduago, gainera, dantzatzera ausartu dira gutxi batzuk.
18:00etan, herri kirol saioa izango da frontoian. Beñat Telleria harri-jasotzailea ariko da, Ugaitz Mugerza eta Julen Alberdi aizkolariekin batera. Ondoren, ingurutxoa dantzatuko dute auzotarrek, eta sagardo dastaketarekin emango die amaiera festei. Iluntzeko dastaketan ere Laja Bi eta Narbaiza ariko dira trikitiari eta panderoari soinua ateraz.