"Ez nuen uste horrelakorik inoiz esango nuenik, baina 22-7 galduta gustura noa". Altuna III.aren adierazpenak izan ziren atzokoan, San Mateo Txapelketaren finalaren ondoren. 16-0 aurreratu ziren Olaizola II.a eta Rezusta. Partida oso ilun zegoen eta hortik aurrera 7 tanto egitea ez zen gutxi izan. Imaz erabat menperatu zuen Rezustak, txapelketako pilotari onenak. Altuna III.a jokoan sartu ezinik ibili zen, eta Aimar Olaizola, aukerako pilotak amaitzen. Orain, udako txapelketak ahaztu eta lau eta erdikoan pentsatzeko ordua iritsi zaio Jokin Altunari. Aurrez, ordea, igande honetan Codere Txapelketa jokatuko du Zabaletarekin. Aurkariak Irribarria-Rezusta izango dira Nafarroa Arenan.
Binakako bi eta lau eta erdiko bat. San Fermin, Zarautz eta Lekeition txapeldun geratu ondoren, Logroñon San Mateotako txapela janztea zuen amezketarrak helburu atzokoan. 22-7 galduta "gustura" itzuli zen etxera.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!