Zubizarretari jantzi dio txapela Joxean Tolosak

Zubizarretak irabazi du Joxean Tolosa Pilota Txapelketa. Amezketako Larrunarri pilotalekua bete egin da hiru finalak ikusteko.

Iraitz Zubizarreta da Joxean Tolosa Pilota Txapelketako garaile berria. Ataundarrak garaipena lortu du Asteasuko Jon Urbietaren aurka, 18 eta 9 irabazita.  Gazteen mailan, Beñat Senarrek 18 eta 7 irabazi du Aitor Altuna tolosarraren aurka. Kadeteen mailan, berriz, Ekain Lizeagak 18 eta 17 irabazi dio Iker Egigureni. Amezketako Larrunarri pilotalekua bete egin da, hiru finalez gozatzeko.

Larunbatean, gaztetxoen txapelketako finalak jokatu ziren. Benjaminetan Karrerak 16-14 irabazi zion Gorostidiri, alebinetan Gorostidik 16-8 Fresnedari, eta infantiletan Mujikak 18-14 Balerdiri. Bukaeran, finalista guztiak argazkia atera zuten Jokin Altunarekin.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!