Jokin Altuna Bilboko Aste Nagusia txapelketako finalean izango da

Tolosaldeko Ataria 2019ko abu. 23a, 09:50
Argazkia: @Aspepelota

Elezkano II.ari eta Galartzari 22 eta 19 irabazita, txapelarako hautagaitza eskuratu du bikoteak; bihar jokatuko dute finala, Bizkaia pilotalekuan.

Atzo iluntzean jokatutako partida nahiko parekatuta hasi bazuten ere, Altunak bere trebeziak kantxaratu zituen, eta partidako pilotari nabarmenena izan zen. Horrela, markagailuan 22 eta 19ko emaitzarekin, Aste Nagusia txapelketako azken koskara iristea lortu du Jokin Altunak, Beñat Rezustarekin batera.

Berez, biharko partidan, Mikel Urrutikoetxea eta Jon Ander Albisu behar lituzkete aurkari, baina Urrutikoetxeak min hartu du, eta geldirik egon beharko du aste luzez. Horrela, Altunak eta Rezustak Laso eta Albisu izango dituzte aurrez aurre, bihar, 19:00etatik aurrera.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!