Atzo iluntzean jokatutako partida nahiko parekatuta hasi bazuten ere, Altunak bere trebeziak kantxaratu zituen, eta partidako pilotari nabarmenena izan zen. Horrela, markagailuan 22 eta 19ko emaitzarekin, Aste Nagusia txapelketako azken koskara iristea lortu du Jokin Altunak, Beñat Rezustarekin batera.
Berez, biharko partidan, Mikel Urrutikoetxea eta Jon Ander Albisu behar lituzkete aurkari, baina Urrutikoetxeak min hartu du, eta geldirik egon beharko du aste luzez. Horrela, Altunak eta Rezustak Laso eta Albisu izango dituzte aurrez aurre, bihar, 19:00etatik aurrera.