XXX. Joxean Tolosa txapelketak ez du etenik, eta asteburuan final laurdenetan sartuko da lehia, kadete, gazte eta nagusien mailan.
Bihar iluntzean, 21:30etik aurrera, lehen final laurdenak izango dira, eta Lizeaga (Mundarro) eta Amiano (Tolosa), Zubeldia (Intxurre) eta Loiarte (Erreka) eta Urbieta (Beharzana) eta Ruiz de Larramendi (Lapke) ariko dira.
Larunbatean, berriz, ordu eta leku berean, Erkiaga (Zeanuri) eta Naldaiz (Lapke) ariko dira kadeteetan, Altuna (Tolosa) eta Salegi (Zestona) gazteen mailan, eta Karregal (Galdakao) eta Zubiria (Zazpi Iturri) nagusietan.