Gizonezkoen kadete, gazte eta nagusien mailetan ari dira partidak jokatzen, Amezketako Zazpi Iturri elkarteak antolatuta. Buruz buru kantxa osoan jokatzen da, herriko Larrunarri frontoian.
Ostiraleko partidetako emaitzak dira hauek: kadeteetan, Gorrotxategik (Arbizu) 11 eta Emaldik (Zeanuri) 18; gazteetan, Odriozolak (Zestoa) 11 eta Zubeldiak (Altzo) 18; eta nagusietan Irazustabarrenak (Alegia) 18 eta Gaskuek (Larraintzar) 11.
Gaur, 21:30ean hasita, Larrunarri frontoian honako partidak jokatuko dira: kadeteetan, Naldaiz (Lazkao) eta Ibarloza (Markina); gazteetan, Alberdi (Azpeitia) eta Iker Amiano (Irun, Tolosa elkartekoa); eta nagusietan Uribe (Gasteiz) eta Julen Alberdi (Andoain) ariko dira.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
