Amezketako Ugarte auzoan, orain arte egin ohi zuten Betizu jatearen ordez, herri bazkaria egin dute aurten. Aldaketak aldaketa, urteroko arrakastarekin jarraitu du hitzorduak, auzotar ugari bildu baita frontoian.
Euskal Parrillakoek prestatu eta zerbitzatu dute bazkaria. Entsalada, iberikoak eta parrilan egindako haragia jan dituzte animatu diren dozenaka auzotarrek. Sabela betetzeaz gain, batzuek ere zintzarria sagardoz bustitzeko tartea aprobetxatu nahi izan dute, frontoian jarri duten kupelari esker. Bazkarian, gainera, trikitilariak ere izan dira, festa giroa alaitzeko asmoz.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?