Amezketako Ugarte auzoan urteetan egin dute betizu jatea, baina, aurten, aldaketekin dator eguna. Herri bazkaria egingo dute, eta Euskal Parrillakoek prestatu eta zerbitzatuko dute bazkaria.
Ugarteko Amuarrain elkarteak antolatzen du, eta hilaren 29an izango da bazkaria. 14:00etan jarria dute ordua, Ugarteko frontoian. Herri Bazkarira joan nahi duenak aurrez txartela erosi beharko du Ugarteko Goikoetxea-enea tabernan edota Amezketako Ametza tabernan. Txartelak erosteko azken eguna hilaren 24a, astelehena, izango da.
Bi menu jarri dituzte aukeran, helduena eta 12 urte arteko haurrena. Helduek, 32 euro ordaindu beharko dute bazkarirako txartela, eta haurrek, aldiz, 12 euro.
MENUAN, ALDAKETA
Aldaketa honekin, noski, jatekoa ere guztiz aldatu da. Helduek, entsalada mistoa, iberikoak, zapoa parrillan, oilaskoa, Eceizako pasteltxoak eta kafea izango dituzte. Eta haurren menua, iberikoak, urdaiazpiko kroketak, hanburgesa patatekin eta izozkiak osatuko du.
Ugarten azken urteetako ohitura aldatu egingo dute, eta Euskal Parrillakoak prestatutako bazkaria izango da.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!