Pertsona batek bihotzeko edo geldialdi kardiako bat sufritzen duenean erabiltzen dira. Desfibriladoreen erabilpena zaila ez bada ere, beharrezkoak dira oinarrizko ezagutza batzuk erabilpenerako. Egoera larri baten aurrean, ezagutzarik gabe erabiltzeak mesede baino kalte gehiago egin baitezake. Kultur etxeko areto nagusian, hilaren 14an izango dira bi saio: 17:00etatik 18:00etara eta 18:00etatik 19:00etara. Ordubeteko bi saioak Amezketako Osasun Zentroko medikuak eta erizainak emango dituzte.
Ikastaroa egitera animatzen diren herritarrek, izena eman beharko dute hilaren 10a baino lehen, udaletxean; bertaratuz, telefonoz deituta edo emailez mezua idatzita. Amezketako Udalak, herritarrak ikastaroan parte hartzera animatu nahi ditu.