17:00etan hasiko dute saioa, kultur etxeko bigarren solairuko erabilera askotako gelan. Beste behin, Amezketako Udalak herritar guztiak, gizon nahiz emakume, gonbidatzen ditu saioan parte hartzera.
Hirugarren saio honetan, aurreko saioetan landu zena berreskuratuz, Amezketa ideala! irudikatzen saiatuko dira, eta berau lortzeko bidea definitzen eta zehazten ahaleginduko dira saiora gerturatzen direnak.
Bigarren saiora 15 pertsona inguru bertaratu ziren, horregatik saioekin jarraitzea erabaki da udalak, eta horretarako, Emagin ikerkuntza eta formakuntza feministako elkartearekin hiru saio gehiago adostu ditu.
Honekin guztiarekin, Amezketako Udalak gai hauek jorratzen jarraitzeko aukera sustatu nahi du amezketarren artean, eta lehen esan bezala, bihar, 17:00etatik aurrera izango dute horretarako aukera.
Berdintasuna eta Genero Ikuspegiaren gaia jorratzeko hirugarren saioa egingo dute, bihar, Amezketan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!