Helburua finalerdien hirugarren partidara bizirik iristea zela esan zuen Jokin Altunak eta lortu dute. Lehen partida galdu egin zuten Irribarria-Zabaletaren aurka, eta bigarrena, gaur jokatutakoa, irabazi. Finalerdietako azkena, erabakigarria, Elezkano II-Rezustaren aurka jokatuko dute, hurrengo asteburuan.
Labriten, gaur arratsaldean, partida estua jokatuko dute Aspe eta Baiko-ko pilotariek. Victor-Albisu hasi dira aurretik, 1-3, baina ondoren gorriak 10-3 jarri dira. Dena alde zutela zirudienean, Albisu handi batek markagailua berdintzea lortu dute. Hala eta guztiz ere lehen atsedenaldi luzera Altuna III-Martija joan dira aurretik: 12-10. Bigarren atsedenaldi luzerako, ordea, markagailua alde zuten urdinek, 16-18. Azken tantoetan amezketarra nagusi izan da eta Victor-i aukerarik eman gabe markagailua eta partida irauli du Altuna III.ak.