Aurreko saioan ateratako ondorioak oinarri hartuta hasiko dute saioa. Zer behar dugu Amezketako emakumeok parte hartzeko? Nola sustatu dezakegu? Galdera horiek abiapuntu hartu, eta Amezketari dagokion hausnarketa propioa egitea izango dute helburu orokorra. Horretarako norberak izan dituen bizipenetatik abiatuta, Amezketa herrian jarduera soziopolitikoari, herrigintzari edo herri mailari begira jarriko dira, eta indartu edo saihestu nahi diren elementu kolektiboak identifikatzeko saiakera egingo da. Ondoren, arlo ezberdinetan (antolakuntza, parte hartzea, egitaraua, zaintza edo indarkeria sexista) garatu nahiko litzatekeena kokatu, eta lortzeko estrategiak marrazten hastea izango dute helburu.
Guzti hau bideratzeko, Emagin ikerkuntza eta formakuntza feministako elkarteko ordezkaria bertan izango da.