Joxe Etxeberria Sagastume 'Beltza' omendu dute

Tolosaldeko Ataria 2018ko abe. 2a, 14:12

Eguerdian, Amezketako plazaren ondoan dagoen oroitarrian izan da ekitaldia; duela 45 urte, eskuetan zeraman bonba bat lehertzearen ondorioz hil zen Beltza.

45 urte pasa dira Joxe Etxeberria Sagastume Beltza eta Jon Pagazaurtundua Isusi Pagaza ETAko kideak hil zirenetik. 1973ko azaroaren 28an Lope de Vega kalean hil ziren, esku artean zeukaten bonbaren erloju sistemak programatuta zegoena baino lehenago eztanda egin zuenean. Beltzak 22 urte zituen hil zenean.

Gertakari hura gogoratzeko ekitaldia egin dute, gaur, Amezketan. Txalapartariek eman diote hasiera, eta ondoren, abeslarien txanda izan da. Gero, Beltzaren gelakide ohi batek, hitzaldi hunkigarria eskaini du. Agurra dantzatu ondoren, lore eskaintza egin dute oroitarrian bertan, ekitaldiari amaiera emateko.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!