Altuna III.aren finala ikusteko autobusa antolatu dute Amezketan

Altunaren zaleak, aurtengo buruz buruko finalaren aurretik, Bilbon.

Azaroaren 18an jokatuko du Jokin Altunak Ezkurdiaren aurkako Lau eta Erdi Txapelketako finala Iruñeko Nafarroa Arenan. Partida ikusteko sarrerak bihartik aurrera izango dira salgai.

Amezketatik autobusa 15:30ean aterako da, Beartzana ondoko aparkalekutik. Pertsona bakoitzak hiru euro ordainduko ditu, eta hauek autobusera igotzerakoan kobratuko dira. Izena emateko azken eguna azaroaren 15a izango da, osteguna, 10:00ak arte. Herriko tabernetan emango ahal izango da izena.

Bestalde, bihartik aurrera erosi ahalko dira finala ikusteko sarrerak, 10:00etatik aurrera. Sarrerak entradasfronton.com webgunetik bakarrik eskuratu ahal izango dira. Prezioak ondokoak dira: beheko kantxan, 100 euro; goiko kantxan, 80 euro; erreboteko kantxan (3-12 lerroak), 70 euro; erreboteko kantxan (13-16 lerroak), 50 euro; eta erreboteko lehen solairuan, 40 euro.

 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!