Amaitzear dira Ugarteko festak. Herri kirolak izan dituzte arratsaldean, eta ingurutxoa egin dute jarraian herritarrek. Sagardo dastaketa izango da egingo duten azken ekitaldia.
Hutsik ez du egin aurten ere ingurutxoak. Horren aurretik, herri kirol saioa eskaini dute; batetik, Joseba Ostolaza harri-jasotzen, eta bestetik, Ugaitz Mugerza eta Jexux Mari Mujika aizkoran. Behin frontoia garbi-garbi eginda hankak dantzan jartzeko unea iritsi zaie. Herriko hamar bikotek egin dute dantza, gazte nahiz helduk.
Jarraian, sagardo dastaketa izan dute eta Laja II eta Narbaizarekin emango diete festei amaiera.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
