Aste honetan eman beharko da izena, asteazkenean, ostegunean edo ostiralean, eta pertsonako 30 euro ordaindu beharko dira. Lehentasuna 60 urtetik gorakoek izango badute ere, autobusa betetzen ez bada gainontzeko herritarrek ere joateko aukera izango dute.
Irailaren 26an, asteazkenean, 08:30ean irtengo dira plazatik, Ergonen eta Ugarten ere geratuko da autobusa. Goizean Eltziego bisitatuko dute, eta hamaiketakoa ere egingo dute. Gero Guardiara joango dira, eta Hotel Marisako jatetxean bazkalduko dute, 14:00ak aldera. Bazkal aurretik nahiz ostean, herria ezagutzeko aukera izango dute. Denboraz ondo ibiliz gero, Garesen geldialdia egingo dute, iluntzerako Amezketara itzuli aurretik.