San Bartolome Egunean, frontoian elkartu dira amezketarrak. Batetik, haurrek herri kiroletan eman duten erakustaldia ikusteko. Bestetik, txakolina dastatuz, bazkaltzeko.
Oso serio hartu dute herriko gaztetxoenek herri kiroletako saioa. Lau taldetan banatu dira eta hainbat herri kiroletan arituz, zirkuitu bat egin behar izan du talde bakoitzak. Esfortzu handia egin dute eta jendearen txaloak jaso dituzte.
Herri kiroletako saioa bukatu eta gero, txakolin dastaketa iritsi da. Hainbat talde elkartu dira, bere bazkaria eraman dutenak frontoira, eta aukeran zeuden txakolinak dastatu dituzte. Udalak kanpoaldean parrilak jarri ditu, nahi zuenak bertan jakiak prestatzeko.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!