URA, Uraren Euskal Agentziak, Gipuzkoako Foru Aldundiak eta Ertzaintzak gaur izan dute horren berri, eta ikerketa abiatu dute.
Goizean zehar Amezketako hainbat puntutan ur laginak hartzen aritu dira URAko teknikariak, eta horiek laborategira bidali dituzte, azter ditzaten. Hildako arrainak ere hartu dituzte diputazioko langileek, azterketa toxikologikoa egiteko, Aldundiarena baita arrainen eskumena.
URAko teknikariek ATARIAri jakinarazi diotenez, hasiera batean «egoera normalean» topatu dute ura, eta «badirudi oxigeno maila egokia duela». Azterketak egiten ari dira orain, eta emaitzak egun batzuen bueltan izango dituzte.