Aurtengo edizioan, 365 korrikalarik hartu dute parte. Goizeko 7:00etan irten dira lasterkariak, eta aurretik, 82 kilometroko ibilbidea zuten, 9.450 metrotako desnibel positiboarekin. Harrizko bideak, asfaltozkoak eta basoko zatiak uztartzen zituen Asturiasko proba honek. Karrerari, ordea, berdin dio bata edo bestea. Proba hasi eta berehala, Juanjo Somohanorekin batera buruan jarri da, lasterkari ugariz osatutako tropeltxo batek jarraitzen zietelarik. Lehen biek, tinko eutsi diote aldeari, nahiz eta azken kilometroetan, asturiarrak erritmoa bizkortu, eta amezketarra atzean uztea lortu duen.
Horrela, Somohanok, 9 ordu, 8 minutu eta 32 segundo behar izan ditu lasterketa osatzeko. Karrera, berriz, minutu bat eta bost segundoko aldearekin helmugaratu da (9'09"37'''). Hirugarren Juan Perez Torreglosa izan da, Karrerarengandik 9 minutu eta 9 segundora. Emakumezkoetan, bestalde, Azara Garcia de Los Salmonesek (errekorra hautsiz), Gemma Arenasek eta Uxue Frailek osatu dute podiuma.